News

പ്രിയപ്പെട്ട അലുംനി അംഗങ്ങളെ ടി കെ എം ആർട്സ് ആൻഡ് സയൻസ് കോളേജ് ഗ്ലോബൽ അലുംനി യു എ ഇ ചാപ്റ്ററിന്റെ ജനറൽ ബോഡി യോഗം ഇക്കഴിഞ്ഞ വെള്ളിയാഴ്ച, മാർച്ച് 21 ന് ദുബായ് ഖിസൈസിലുള്ള ക്ലാസ്സിക് ഹോട്ടൽ ഓഡിറ്റോറിയത്തിൽ വച്ച് നടന്നു. ചടങ്ങിൽ 2024-25 കമ്മിറ്റിയുടെ പ്രവർത്തനവലോകനവും അതോടൊപ്പം 2025-26 ലേക്കുള്ള പുതിയ ഭാരവാഹികളെ തീരുമാനിക്കുകയും ചെയ്തു. അപ്രകാരം തയാറാക്കിയ പട്ടിക താഴെ പറയുന്നു. പ്രസിഡന്റ് : ശ്രീ ബൈജു ഇല്ല്യാസ്, ജനറൽ സെക്രട്ടറി : ശ്രീ നസീബ്, ട്രെഷറർ : ശ്രീ നിഷാദ്, വൈസ് പ്രെസിഡന്റുമാർ ശ്രീമതി ശോഭ ശരത്, ശ്രീ ഹാഷിർ നജീബ്, ജോയിന്റ് സെക്രട്ടറിമാർ ശ്രീ നോബിൾ നാസിമുദീൻ, ശ്രീ ഷാഹുൽ ഹമീദ്. ഒപ്പം പ്രവർത്തനനിരതരായ മൂന്ന് അംഗങ്ങളെ എക്സിക്യൂട്ടീവ് കമ്മിറ്റിയിലേക്ക് ഉയർത്തുവാൻ തീരുമാനിച്ചു. അവർ, ശ്രീ : ഷൈൻ ഷാനവാസ് ശ്രീ : ഷെബിൻ ശ്രീമതി : ഫർസാന. അതോടൊപ്പം അലുംനി ഇഫ്താറും സംഘടിപ്പിക്കുകയുണ്ടായി. പുതുതായി തിരഞ്ഞെടുക്കപ്പെട്ട ഭാരവാഹികൾക്ക് എല്ലാവിധ ആശംസകളും നേരുന്നതോടൊപ്പം എല്ലാ മാന്യ അംഗങ്ങളുടെയും സഹായസഹകരണങ്ങളും പുതിയ കമ്മിറ്റിക്കും തുടർന്നും ഉണ്ടാകണമെന്ന് അഭ്യർത്ഥിക്കുന്നു. നന്ദി ഫാറൂഖ് താഹ ചെയർമാൻ അഡ്വൈസറി കമ്മിറ്റി TKMCAS Global Alumni UAE

പ്രിയ അലുംനി അംഗങ്ങളെ റമദാൻ കരീം .... നമ്മുടെ ഈ വർഷത്തെ (2025) ജനറൽ ബോഡി യോഗവും ഫാമിലി ഇഫ്‌താർ സംഗമവും മാർച്ച് 21 വെള്ളിയാഴ്ച്ച ദുബായ് ഖുസൈസിലുള്ള ക്ലാസ്സിക് റെസ്റ്റാറ്റാന്റിൽ വച്ച് നടത്തപ്പെടുന്നു. നിങ്ങളെവരെയും പ്രസ്തുത സംഗമത്തിലേക്കു സാദരം ക്ഷണിച്ചു കൊള്ളുന്നു. നിങ്ങളുടെ പങ്കാളിത്തം ഗ്രൂപിലൂടെയോ കമ്മിറ്റി ഭാരവാഹികളെയോ അറിയിക്കുക. പ്രവേശനം വൈകുന്നേരം 5.00 മുതൽ നന്ദി PST

പ്രിയമുള്ളവരേ ടി കെ എം കോളേജ് ഓഫ് ആർട്സ് ആൻഡ് സയൻസ് ഗ്ലോബൽ അലുംനി യു എ ഇ ചാപ്റ്റർ സംഘടിപ്പിക്കുന്ന വാർഷിക കുടുംബസംഗമം " ആവേശം 2025 " ഈ വരുന്ന ഫെബ്രുവരി 09 ഞായറാഴ്ച വൈകുന്നേരം 4 മുതൽ 9 വരെ ദുബായ് അൽ നഹ്ദയിലുള്ള ലാവെൻഡർ ഹോട്ടൽ ഓഡിറ്റോറിയത്തിൽ വച്ച് നടക്കുന്ന വിവരം നിങ്ങളെവരെയും സസന്തോഷം അറിയിക്കുകയാണ്. ഈ പ്രോഗ്രാമിൽ ടി കെ എം ട്രസ്റ്റ് ചെയർമാൻ ജനാബ് ഷഹാൽ ഹസൻ മുസ്‍ലിയാരും , ട്രസ്റ്റ് അംഗങ്ങളും പങ്കെടുക്കുന്നതോടൊപ്പം അതിവിപുലമായ പരിപാടികളും സംഘടിപ്പിച്ചിട്ടുണ്ട്. യു എ ഇ യിലെ പ്രശസ്തരായ നാടൻ പാട്ടു സംഘമായ ഉറവ് അവതരിപ്പിക്കുന്ന മെഗാ നാടൻ പാട്ടു ഷോ അതോടൊപ്പം D4 ഡാൻസ് ഗ്രൂപ്പിലെ പ്രശസ്തരായ സംഘങ്ങളുടെ നൃത്ത വിരുന്നും അലുംനി ടാലെന്റ്‌സുകളുടെ പ്രകടനങ്ങളും സ്വാദൂറും അത്താഴ വിരുന്നും ഒരുക്കിയിരിക്കുന്നു. എക്കാലത്തെയും പോലെ നിങ്ങളോരോരുത്തരുടേയും അകമഴിഞ്ഞ സഹായ സഹകരണങ്ങൾ ഉണ്ടാകണമെന്ന അഭ്യര്ഥനയോടെ കൂടുതൽ വിശേഷങ്ങളുമായി വീണ്ടും വരുന്നതാണ്. നന്ദി PST

TKMCAS "CHILL & GRILL" 2024 പ്രിയ അലുംനി അംഗങ്ങളെ .... ടി കെ എം സി എ എസ് ഗ്ലോബൽ ക്രിസ്മസ് പുതുവർഷ ആഘോഷവും ചിൽ ആൻഡ് ഗ്രിൽ 2024 കൂട്ടായ്മയും ഈ വരുന്ന ഡിസംബർ 28 ശനിയാഴ്ച വൈകിട്ട് 5 മണി മുതൽ രാത്രി 11 വരെ അബുദാബിയിലുള്ള അൽ റഹ്‌ബാ ഫാം ഹൗസില് വച്ച് നടത്തുവാൻ തീരുമാനിച്ചിരിക്കുകയാണ്. ഈ ആഘോഷരാവിൽ പങ്കുചേരുവാൻ ആഗ്രഹിക്കുന്നവർ എത്രയും വേഗം നിങ്ങളുടെ പേരുകൾ താഴെ രെജിസ്റ്റർ ചെയ്യുവാൻ അഭ്യർത്ഥിക്കുന്നു. ഈ ക്രിസ്മസ് രാവിൽ സാന്റയെയും പുതുവർഷത്തെയും നമുക്ക് ആടിയും പാടിയും ഒരുമിച്ച് ഭക്ഷണം ആസ്വദിച്ചും വരവേൽക്കാം. നിങ്ങളേവരുടെയും നിസ്സീമമായ സഹകരണം പ്രതീക്ഷിച്ചു കൊള്ളുന്നു. "ചിൽ ആൻഡ് ഗ്രിൽ 2024" ഇൽ പങ്കെടുക്കുന്ന എല്ലാപേരും അന്നേ ദിവസം പൊതുവായുള്ള ഡ്രസ്സ് കോഡായിട്ട് പരാമാവധി ചുവപ്പും വെളുപ്പും നിറങ്ങളിലുള്ള വസ്ത്രങ്ങൾ ധരിച്ചു വരുവാനായി അഭ്യർത്ഥിച്ചു കൊള്ളുന്നു. അതോടൊപ്പം ക്രിസ്മസ് പപ്പയുടെ ക്യാപ് ഉള്ളവർ അതുകൂടി ധരിച്ചു വന്നാൽ നന്നാകുമായിരിക്കും. ഏവർക്കും സ്വാഗതം !!! On December 28th Saturday, 5.00PM - 11.00PM @ AL RAHBA FARM, SHAHAMA - ABU DHABI