News

പ്രിയ സഹപ്രവർത്തകരെ ... അബുദാബി ഇന്ത്യൻ സോഷ്യൽ ആൻഡ് കൾച്ചറൽ സെന്റർ ജനറൽ മാനേജർ ആയി 40 വർഷം പൂർത്തിയാക്കുന്ന ശ്രീ റ്റോമി മില്ലറിനെ ആദരിക്കുന്നതിനായി യു എ ഇ യിലുള്ള വിവിധ സംഘടനകളോടൊപ്പം നമ്മുടെ അലുംനിയും പങ്കു ചെരുന്നു . അബുദാബി ISC യിൽ വെച് 12/04/2025 ശനി 6:30pm ന് സംഘടിപ്പിക്കുന്ന ചടങ്ങിൽ ബഹുമാനപ്പെട്ട കേരള ധനമന്ത്രി ശ്രീ കെ എൻ ബാലഗോപാൽ ന്റെ സാന്നിധ്യത്തിൽ നമ്മുടെ ഭാഗത്തു നിന്നും ഒരു മൊമെന്റോ നൽകി ആദരിികാന് തീരുമാനിച്ചു .

പ്രിയപ്പെട്ട അലുംനി അംഗങ്ങളെ ടി കെ എം ആർട്സ് ആൻഡ് സയൻസ് കോളേജ് ഗ്ലോബൽ അലുംനി യു എ ഇ ചാപ്റ്ററിന്റെ ജനറൽ ബോഡി യോഗം ഇക്കഴിഞ്ഞ വെള്ളിയാഴ്ച, മാർച്ച് 21 ന് ദുബായ് ഖിസൈസിലുള്ള ക്ലാസ്സിക് ഹോട്ടൽ ഓഡിറ്റോറിയത്തിൽ വച്ച് നടന്നു. ചടങ്ങിൽ 2024-25 കമ്മിറ്റിയുടെ പ്രവർത്തനവലോകനവും അതോടൊപ്പം 2025-26 ലേക്കുള്ള പുതിയ ഭാരവാഹികളെ തീരുമാനിക്കുകയും ചെയ്തു. അപ്രകാരം തയാറാക്കിയ പട്ടിക താഴെ പറയുന്നു. പ്രസിഡന്റ് : ശ്രീ ബൈജു ഇല്ല്യാസ്, ജനറൽ സെക്രട്ടറി : ശ്രീ നസീബ്, ട്രെഷറർ : ശ്രീ നിഷാദ്, വൈസ് പ്രെസിഡന്റുമാർ ശ്രീമതി ശോഭ ശരത്, ശ്രീ ഹാഷിർ നജീബ്, ജോയിന്റ് സെക്രട്ടറിമാർ ശ്രീ നോബിൾ നാസിമുദീൻ, ശ്രീ ഷാഹുൽ ഹമീദ്. ഒപ്പം പ്രവർത്തനനിരതരായ മൂന്ന് അംഗങ്ങളെ എക്സിക്യൂട്ടീവ് കമ്മിറ്റിയിലേക്ക് ഉയർത്തുവാൻ തീരുമാനിച്ചു. അവർ, ശ്രീ : ഷൈൻ ഷാനവാസ് ശ്രീ : ഷെബിൻ ശ്രീമതി : ഫർസാന. അതോടൊപ്പം അലുംനി ഇഫ്താറും സംഘടിപ്പിക്കുകയുണ്ടായി. പുതുതായി തിരഞ്ഞെടുക്കപ്പെട്ട ഭാരവാഹികൾക്ക് എല്ലാവിധ ആശംസകളും നേരുന്നതോടൊപ്പം എല്ലാ മാന്യ അംഗങ്ങളുടെയും സഹായസഹകരണങ്ങളും പുതിയ കമ്മിറ്റിക്കും തുടർന്നും ഉണ്ടാകണമെന്ന് അഭ്യർത്ഥിക്കുന്നു. നന്ദി ഫാറൂഖ് താഹ ചെയർമാൻ അഡ്വൈസറി കമ്മിറ്റി TKMCAS Global Alumni UAE

പ്രിയ അലുംനി അംഗങ്ങളെ റമദാൻ കരീം .... നമ്മുടെ ഈ വർഷത്തെ (2025) ജനറൽ ബോഡി യോഗവും ഫാമിലി ഇഫ്‌താർ സംഗമവും മാർച്ച് 21 വെള്ളിയാഴ്ച്ച ദുബായ് ഖുസൈസിലുള്ള ക്ലാസ്സിക് റെസ്റ്റാറ്റാന്റിൽ വച്ച് നടത്തപ്പെടുന്നു. നിങ്ങളെവരെയും പ്രസ്തുത സംഗമത്തിലേക്കു സാദരം ക്ഷണിച്ചു കൊള്ളുന്നു. നിങ്ങളുടെ പങ്കാളിത്തം ഗ്രൂപിലൂടെയോ കമ്മിറ്റി ഭാരവാഹികളെയോ അറിയിക്കുക. പ്രവേശനം വൈകുന്നേരം 5.00 മുതൽ നന്ദി PST

പ്രിയമുള്ളവരേ ടി കെ എം കോളേജ് ഓഫ് ആർട്സ് ആൻഡ് സയൻസ് ഗ്ലോബൽ അലുംനി യു എ ഇ ചാപ്റ്റർ സംഘടിപ്പിക്കുന്ന വാർഷിക കുടുംബസംഗമം " ആവേശം 2025 " ഈ വരുന്ന ഫെബ്രുവരി 09 ഞായറാഴ്ച വൈകുന്നേരം 4 മുതൽ 9 വരെ ദുബായ് അൽ നഹ്ദയിലുള്ള ലാവെൻഡർ ഹോട്ടൽ ഓഡിറ്റോറിയത്തിൽ വച്ച് നടക്കുന്ന വിവരം നിങ്ങളെവരെയും സസന്തോഷം അറിയിക്കുകയാണ്. ഈ പ്രോഗ്രാമിൽ ടി കെ എം ട്രസ്റ്റ് ചെയർമാൻ ജനാബ് ഷഹാൽ ഹസൻ മുസ്‍ലിയാരും , ട്രസ്റ്റ് അംഗങ്ങളും പങ്കെടുക്കുന്നതോടൊപ്പം അതിവിപുലമായ പരിപാടികളും സംഘടിപ്പിച്ചിട്ടുണ്ട്. യു എ ഇ യിലെ പ്രശസ്തരായ നാടൻ പാട്ടു സംഘമായ ഉറവ് അവതരിപ്പിക്കുന്ന മെഗാ നാടൻ പാട്ടു ഷോ അതോടൊപ്പം D4 ഡാൻസ് ഗ്രൂപ്പിലെ പ്രശസ്തരായ സംഘങ്ങളുടെ നൃത്ത വിരുന്നും അലുംനി ടാലെന്റ്‌സുകളുടെ പ്രകടനങ്ങളും സ്വാദൂറും അത്താഴ വിരുന്നും ഒരുക്കിയിരിക്കുന്നു. എക്കാലത്തെയും പോലെ നിങ്ങളോരോരുത്തരുടേയും അകമഴിഞ്ഞ സഹായ സഹകരണങ്ങൾ ഉണ്ടാകണമെന്ന അഭ്യര്ഥനയോടെ കൂടുതൽ വിശേഷങ്ങളുമായി വീണ്ടും വരുന്നതാണ്. നന്ദി PST